پرۆژێ دەرچوونێ ٢٠١١
 ل وی دەمی ئەز قوتابییێ قوناغا پێنجێ بووم ل بەشێ شێوەکار تایێ نیگار. پرۆژێ من یێ دەرچوونێ ب چار تابلویێن جودا پێک دهات ھەر ئێک ژ سرۆشت، شێواز، ھزر د گەل ئاشۆپی، تابلوویێ جیھانی.

ئەڤ چار تابلۆیێن ل خوارێ دیار پرۆژێ منیێ دەرچوونێ بوون ل قوناغا پێنجێ یا پەیمانگەھا ھونەرێن جوان / دھۆک.

سرۆشت

دەمێ من ئەڤ دیمەنێ سرۆشتی ھەلبژارتی بۆ من گەلەک یێ ب زەحمەت بوو ژبەرکۆ ل وەلاتێ مە گەلەک دیمەنێن ب ڤی جوری دھێنە دیتن، نەخاسمە ل دەڤەرێن چیایی. گەلەک دلخووش دبم ب وێنەکرنا تابلویەکێ ب ڤی بابەتی ڤە گرێدای. ھەست پێدکەم ئەزیێ پارجەیەک ژھەبوونا خوو ل سەر تابلویەکی د کێشم.

ئەڤە چەند وێنەیەکێن د ناڤ ڤەستیڤالێ نە، کۆ د گەل تابلوویێ سرۆشتی
و کۆمەکا بەرپرسان، ئەوێن کۆ سپۆنسەرێن ڤەستیڤالێ بوون و کۆمەکا
ھەڤالێن بەشێ شێوەکار.

٢٠١٠ێ ڤەستیڤالا ھونەرێن جوان

شێواز

دەمێ من بابەتێ ئەڤی تابلوویێ شێوازی ھەلبژارتی گەلەک دەم پێ دەرباس نەبوو ھەر وێ رۆژا مامۆستایێ مە ھەر چوار بابەتێن پرۆژێ دەرچوونێ بۆ مە داینە دیارکرن ئێکسەر ژھەر چار بابەتان بابەتێ تابلوویێ شێوازی دسەرێ من دا لێدا و بیر و ھزرێن من ھەمی بەرەڤ وان دیمەنان ڤە زڤرین یێن کۆ د بھارا سێ و چارێ یێ ژیێ خوو دا من دیتین و تێدا ژیایم کۆ ئەو ژکووچا ملیۆنی بوو ل وی دەمێ مە مال و سامانێ خو ل پشت خو ھێلای و ئەم کۆچبووینە چەلێ و دەشتانێ.

تابلوویێ شێواری ب قەبارێن وێ ڤە کۆ ئەو ژی ١٢٠*١٦٠

ھزر دگەل ئاشۆپی

ئەڤە ژ وان تابلویانە یێن کۆ ھشکن بۆ تێگەھشتنێ ژلایێ کەسانێن دیر ژ ھزر و بیرێن ھونەرێ شێوەکار نەخاسمە بابەتێن وەکی ھزر د گەل ئاشۆپی. د ئەڤی تابلووی دا لێدانێن فرچەی گەلەک نەرم و دھەمان دەمدا رەقژی دھێنە دیتن ئەوژی بۆ ھەستێ دیار یێ ناڤەروکا تابلووی دا د زڤریت، ھەلبەت ھونەرمەند ژی سەرکێشێ ئەوان ھەستایە. تابلوو گەلەک خالان د ئێک بابەت دا ب خووڤە دگریت لێ خالا ھەرە سەرەکی ھزرکرنە دگەل ھەبوونا جیھانا ئەڤرۆ ئەم تێدا دژین و زالبوونا ھێزێن زلھێز بۆ سەر گەردوونی نەخاسمە خووئاسێکرنا وان ھێزان یێن کۆ خوو ب چمبلێ ژیانێ بتنێ ڤە گرتی دیر ژھزرکرن د ھەبوونا جھەک دی بۆ ژیانێ.

تابلوویێ ھزر دگەل ئاشۆپی ب قەبارێن وێ ڤە کۆ ئەو ژی ١٢٠*١٦٠

تابلوویا جیھانی

تا کۆ قوتابی تابلویەکێ ب ھەلبژێریت بۆ پرۆژێ دەرچوونا خو و ب تایبەت بابەتێ تابلوویا جیھانی ئانکۆ ڤەگوھاستی دڤێت وێ خالێ بەرجاڤ وەرگریت، کۆ نەیا گرنگە کا ئەرێ تابلوویێ کیژان ھونەرمەند یان کیژان تابلوو دێ ھەلبژێریت یا گرنگ ئەوە تابلوویەکێ ب ھەلبژێریت کۆ ئەوی وەک ھونەرمەندێ شێوەکاری ھەست بۆ ئەوی تابلوویی ھەبیت و تامێ ژ کێشانا تابلوویێ ھلبژارتی ھەبیت. ھەلبەت دێ مامۆستایێ کۆ سەرپەرشتە ل سەر پرۆژەی و نمرەیان ل سەر تابلووی د دانیت لێ دیسان ژی د ڤێت قوتابی بزانیت کێشانا تابلوی ب تنێ نە مەرجە بەلکۆ ناڤەرۆک و شێوازێ شرۆڤەکرنا تابلوویێ ھەلبژارتی ٤٠% نمرا تابلوویێ دوبارە ژلایێ قوتابیڤە ھاتیە کێشان مەرجە و د بیت ئەو شرۆڤەکرنە نمرا قوتابی ھەمیێ بگوھووریت.

تابلوویێ جیھانی ب قەبارێن وێ ڤە کو ئەو ژی ١٢٠*١٦٠